អានសៀវភៅតាមទូរសព្ទ ឬកុំព្យូទ័រ មិនសូវចូល គួរធ្វើបែបណា?
Apr 25, 2021 | 08:32 0 views
អ្នកខ្លះរអ៊ូថា
មិនចេះអានសៀវភៅតាមទូរសព្ទ អាយផេត ឬកុំព្យូទ័រ ដូចអានសៀវភៅផ្ទាល់នោះទេ
ដូច្នេះហើយទើបការរៀនអនឡាញមិនសូវមានប្រសិទ្ធភាព។
ថ្វីដ្បិតតែកាលអានសៀវភៅតាមប្រព័ន្ធឌីជីថល មានភាពប្លែកពីការអានសៀវភៅក៏ពិតមែន
យ៉ាងណាក៏យើងនៅតែចៀសមិនផុត លែងអីនឹងត្រូវស្រាវជ្រាវឯកសារផ្សេងៗ
ចំនឹងបរិបទកូវីដបែបនេះទៀត តើយើងនឹងអាចទៅក្រៅទិញសៀវភៅ
ឬព្រីនឯកសារស្រួលៗយ៉ាងដូចម្ដេចទៅ? ដូច្នេះហើយ ទើបពេលនេះយើងសូមបង្ហាញគន្លឹះសំខាន់សម្រាប់យកឈ្នះការអានសៀវភៅនៅលើអេក្រង់ទូរសព្ទ
អាយផេត ឬកុំព្យូទ័រ ឱ្យមានប្រសិទ្ធភាពដូចអានសៀវភៅផ្ទាល់ដែរ៖
១. ប្ដូរពណ៌ Background ៖
បើអ្នកមានអារម្មណ៍ថា Background
អេក្រង់ពណ៌ស
ធ្វើឱ្យភ្នែករបស់អ្នកប្រឹងខ្លាំងក្នុងការអាន អ្នកគួរប្ដូរវាទៅជាពណ៌ខ្មៅវិញដើម្បីសម្រួលភ្នែករបស់អ្នក។
- ចំពោះកុំព្យូទ័រ ៖
ចុច Alt key + left Shift key + Prt Sc
- ចំពោះ Adroit និង IOS device ៖ ចូល Setting យកពាក្យ Accessibility ហើយបន្ទាប់មក រកកន្លែង Invert colours
២. Scroll អត្ថបទចុះជាប្រចាំ
ធ្វើយ៉ាងណាឱ្យជួរដែលអ្នកកំពុងអានស្ថិតនៅខាងលើ។ ការធ្វើបែបនេះនឹងមិនធ្វើឱ្យអ្នកមានអារម្មណ៍ស្មុគស្មាញនឹងឃើញអក្សរច្រើននៅខាងលើបន្ទាត់ដែលអ្នកកំពុងអាននោះទេ
ជាហេតុធ្វើឱ្យការអានរបស់អ្នកមានប្រសិទ្ធភាពជាងមុន។
៣. បិទ Notifications របស់កម្មវិធីផ្សេងៗដែលអាចរំខានដល់ការអានរបស់អ្នក
ដូចជា ហ្វេសប៊ុក តេឡេក្រាម អ៊ីនស្ដាក្រាម ឬអ៊ីមែល ជាដើម
ដើម្បីឱ្យអ្នកអាចផ្ចង់អារម្មណ៍អានដោយស្ងប់ស្ងាត់។
