គន្លឹះក្នុងការរៀនតាមអនឡាញឱ្យមានប្រសិទ្ធភាព?
Apr 22, 2021 | 08:46 0 views
រៀនអនឡាញ មិនចេះដូចរៀនក្នុងថ្នាក់ទេ!
កំពុងគិតអ៊ីចឹងដែរ ត្រូវទេ? តាមពិតទៅ មិនមែនមានតែអ្នកម្នាក់ឯងទេដែលបែបហ្នឹង
សិស្សភាគច្រើនសុទ្ធតែមានបញ្ហានេះ។
ប៉ុន្តែយើងចង់ឱ្យអ្នកសាកល្បងអនុវត្តតាមការណែនាំខាងក្រោមនេះជាមុនសិន ហើយចាំមើលថា
ការរៀនអនឡាញមានប្រសិទ្ធភាពជាងមុនឬអត់៖
1. ត្រៀមថ្មទូរសព្ទ
ឬកុំព្យូទ័រ និងអ៊ីនធើណិត ចៀសវាងមានបញ្ហារអាក់រអួល
ជាហេតុធ្វើឱ្យខកខានដល់ការរៀនសូត្រ
2. គោរពពេលវេលានៃការរៀនសូត្រ
តាមកាលវិភាគឱ្យបានត្រឹមត្រូវទោះបីជាយើងមិនទៅរៀននៅសាលាក៏ដោយ
3. រកកន្លែងរៀនដែលសមរម្យ
ស្ងប់ស្ងាត់ អាចស្ដាប់គ្រូពន្យល់មេរៀនបានច្បាស់ និងអាចនិយាយជាមួយគ្រូវិញបាន
4. យកចិត្តទុកដាក់ស្ដាប់គ្រូ
កត់ត្រាចំណុចសំខាន់ៗ ដូចដែលយើងអង្គុយរៀននៅក្នុងថ្នាក់ដែរ
5. ហ៊ានសួរគ្រូពេលមានចម្ងល់
ពោលគឺយើងត្រូវក្លាហាននិយាយជាមួយគ្រូតាមអនឡាញដូចដែលយើងនិយាយជាមួយគាត់នៅក្នុងថ្នាក់ដូចគ្នា។
ជារួម យើងត្រូវតាំងចិត្តថា
ការរៀនអនឡាញមិនខុសអ្វីពីការរៀននៅក្នុងថ្នាក់នោះទេ។ ការរៀនតាមអនឡាញពេលដំបូងៗ
យើងមិនទាន់ស៊ាំ ទើបចេះតែមានអារម្មណ៍ថា ពិបាកសម្របខ្លួន ប៉ុន្តែយូរទៅ
វានឹងក្លាយជាទម្លាប់ហើយ ដល់ពេលនោះយើងអាចនឹងចូលចិត្តរៀនតាមអនឡាញជាងរៀនក្នុងថ្នាក់ក៏ថាបាន។
បង្វឹកខ្លួនឯងក្នុងការរៀនតាមអនឡាញឱ្យមានប្រសិទ្ធភាព
ព្រោះនៅពេលខាងមុខយើងក៏អាចនឹងត្រូវរៀនតាមអនឡាញពីគ្រូក្រៅប្រទេសផងដែរ៕
