នៅតែក្នុងផ្ទះអំឡុងពេល Lockdown អ៊ីចឹង គួរប្រើពេលវេលាបែបណាឱ្យមានប្រសិទ្ធភាពក្នុងការរៀនសូត្រ ឬការធ្វើការ?
Apr 20, 2021 | 08:34 0 views
យើងគ្រប់គ្នាជាទម្លាប់តែ ព្រឹកឡើងចេញពីផ្ទះទៅធ្វើការ និងត្រឡប់មកផ្ទះវិញសម្រាកនៅពេលល្ងាចឬយប់។ ដូច្នេះនៅពេលមានការរាលដាលនៃជំងឺកូវីដខ្លាំង យើងត្រូវរៀន ឬធ្វើការពីផ្ទះ ដែលនេះគឺខុសពីទម្លាប់រាល់ដង ក៏ធ្វើឱ្យគុណភាពនៃការសិក្សា ឬការងាររបស់យើងមានការថយចុះ។
ហេតុនេះយើងសូមចែករំលែកពីវិធីដែលអាចជួយឱ្យលោកអ្នកអាចប្រើប្រាស់ពេលវេលារៀនសូត្រ
ឬធ្វើការពីផ្ទះ ឱ្យមានប្រសិទ្ធភាពខ្ពស់៖
១. រៀបចំកន្លែងរៀនសូត្រ
ឬកន្លែងធ្វើការឱ្យមានរបៀប គួរឱ្យចង់រៀន ឬគួរឱ្យចង់ធ្វើការ។
អ្នកគួរមានតុមានកៅអីត្រឹមត្រូវ ហើយបរិយាកាសគួរតែប្រកបដោយផាសុកភាព
និងអំណោយផលដល់ការរៀនសូត្រ និងការធ្វើការរបស់អ្នក។
២. ត្រូវតាំងចិត្តរៀនសូត្រ
ឬធ្វើការងារតាមពេលវេលាកំណត់ត្រឹមត្រូវ មានវិន័យច្បាស់លាស់ដោយខ្លួនឯង
ទោះបីជាអ្នកកំពុងនៅផ្ទះក៏ដោយ។
៣. ការនៅតែក្នុងផ្ទះ
អាចនឹងធ្វើឱ្យអ្នកងាយធុញថប់ ទើបកើតស្ត្រេស គ្មានអារម្មណ៍រៀន ឬធ្វើការ។
ដូច្នេះអ្នកគួររៀនបន្ធូរអារម្មណ៍ស្មុគស្មាញតាមរយៈការអានសៀវភៅ ស្ដាប់ចម្រៀង
មើលភាពយន្ត ឬហាត់កីឡាជាដើម។
សង្ឃឹមថា
អ្នកទាំងអស់គ្នានឹងអាចប្រើពេលវេលារៀនសូត្រ ឬធ្វើការនៅផ្ទះឱ្យមានប្រសិទ្ធភាព
ក្រោយអនុវត្តតាមវិធីទាំងបីខាងលើ។ នៅផ្ទះក៏ល្អដែរ ចំណេញទាំងពេលវេលា ទាំងកម្លាំង
និងថវិកា មិនបាច់ធ្វើដំណើរទៅសាលា ឬកន្លែងធ្វើការ។ ចូលរួមទប់ស្កាត់ជំងឺកូវីដ-១៩
ទាំងអស់គ្នា តាមរយៈការស្នាក់នៅផ្ទះ។
