អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតរបស់ក្រសួងពាណិជ្ជកម្មចិន ឆ្នាំសិក្សា ២០២១-២០២២
Apr 02, 2021 | 09:29 0 views
នាពេលថ្មីៗនេះ សមាគមនិស្សិតកម្ពុជាប្រចាំសាធារណរដ្ឋប្រជាមានិតចិន
បានទទួលអាហារូបករណ៍ ចំនួន ៥កន្លែង សម្រាប់ថ្នាក់បរិញ្ញាបត្រជាន់ខ្ពស់ចំនួន ៣កន្លែង
សិក្សារយៈពេល ១-២ ឆ្នាំ និងថ្នាក់បណ្ឌិតចំនួន ២កន្លែង
សិក្សារយៈពេល ៣ឆ្នាំ ដែលអាហារូបករណ៍នេះឧបត្ថម្ភដោយក្រសួងពាណិជ្ជកម្មចិន ហៅកាត់ថា MOFCOM-CSC និង MOFCOM-UNIVERSITY ។
មុខជំនាញសិក្សាសរុបមានចំនួន ៣៧ នៅក្នុងសាកលវិទ្យាល័យចំនួន ៣៣ នៅតាមបណ្ដាខេត្តក្រុងនៃសាធារណរដ្ឋប្រជាមានិតចិន។
និស្សិតដែលជាប់អាហារូបករណ៍នេះ
នឹងទទួលបានអត្ថប្រយោជន៍ដូចជា៖
·
សិក្សាជាមួយនិស្សិតអន្តរជាតិមកពីបណ្ដាប្រទេសជាច្រើន
·
កម្មវិធីសិក្សាអន្តរជាតិជាភាសាអង់គ្លេស
·
ថ្នាក់បរិញ្ញាបត្រជាន់ខ្ពស់ ទទួលបានប្រាក់ខែ ៣០០០
យ័នចិន (ប្រហែល ៤៧៧ ដុល្លាអាមេរិក)
·
ថ្នាក់បណ្ឌិត ទទួលបានប្រាក់ខែ ៣៥០០ យ័នចិន (ប្រហែល
៥៥០ ដុល្លាអាមេរិក)
·
មានផ្ដល់ថ្លៃសំបុត្រយន្តហោះទាំងទៅទាំងមក
·
បន្ទប់ស្នាក់នៅបែប Single room
·
និងមានកម្មវិធីកំសាន្ត
និងទស្សនកិច្ចនៅតាមបណ្ដាក្រុមហ៊ុនធំៗ នៅតាមបណ្ដាខេត្តក្រុងផ្សេងៗតាមការរៀបចំរបស់សាកលវិទ្យាល័យ។
បេក្ខជនដែលមានចំណាប់អារម្មណ៍អាចធ្វើការដាក់ពាក្យស្នើសុំអាហារូបករណ៍ចាប់ពីថ្ងៃនេះ
រហូតដល់ថ្ងៃទី ៣០ ខែមេសា ឆ្នាំ២០២១
នៅការិយាល័យសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន (ជាន់ទី៣ បន្ទប់០០៦)
នៅក្នុងអាគារសមាគមសម្ព័ន្ធខ្មែរចិននៅកម្ពុជា។
សម្រាប់ព័ត៌មានលម្អិត
សូមទំនាក់ទំនងមកការិយាល័យសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន
ឬក្រុមការងារអាហារូបករណ៍នៃសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន
តាមរយៈលេខទូរសព្ទ ០៩៩ ៩៨៥ ៩៨៧ / ០៧០ ៦៩៨ ៦៨៥ / ០៨៦ ៩១១ ១១៧ ៕
ប្រភព៖ ACSC_Association of Cambodian Student in China, Facebook
