យល់ល្អ គួរអានសៀវភៅនៅម៉ោងណា?
Mar 27, 2021 | 08:47 0 views
ការអានគឺជាសកម្មភាពមួយដ៏មានសារៈសំខាន់ណាស់ ព្រោះវាជួយបន្ថែមចំណេះដឹង បង្កើនគំនិតច្នៃប្រឌិត និងអាចផ្ដល់នូវចំណីអារម្មណ៍ឱ្យយើងរីករាយស្រស់ស្រាយផងដែរ។ ប៉ុន្តែមនុស្សយើងភាគច្រើនមានភាពរវល់ណាស់ ទាំងក្នុងការសិក្សា ការងារ និងគ្រួសារ។ ហេតុនេះហើយ ទើបយើងអាចឆ្លៀតពេលអានសៀវភៅតែពេលទំនេរប៉ុណ្ណោះ។ តើយើងគួរអានសៀវភៅនៅម៉ោងណា ជាមួយប្រភេទសៀវភៅបែបណាដែរ ទើបជាជម្រើសល្អបំផុត?
ចម្លើយ គឺអាស្រ័យលើបទពិសោធរបស់មនុស្សម្នាក់ៗ
ប៉ុន្តែអ្នកជំនាញបានលើកឡើងនូវម៉ោង ៣ពេល ដែលស័ក្ដិសមជាមួយការអានសៀវភៅ ៣
ប្រភេទខុសគ្នា៖
១. ព្រឹកម៉ោង ១០ ទៅម៉ោង ១២
ពេលព្រឹក
គឺជាពេលវេលាល្អបំផុតដែលខួរក្បាលរបស់យើងស្វាងស្រឡះល្អ ហើយត្រូវការបន្តការភ្ញោចបន្ថែមតាមរយៈការអានសៀវភៅ
ឬឯកសារឡូហ្ស៊ិកនានា ក៏ដូចជាកាសែតសារព័ត៌មានផងដែរ។ អ្នកជំនាញបានបង្ហាញថា
ការអាននៅពេលព្រឹកជួយបំបាត់ស្ត្រេស បង្កើនគំនិតច្នៃប្រឌិត បង្កើនការផ្ចង់ស្មារតី
និងការចងចាំជាដើម។
២. រសៀលម៉ោង ២ ទៅល្ងាចម៉ោង ៦
ពេលរសៀល
ជាពេលសមស្របបំផុតសម្រាប់ការអានសៀវភៅសិក្សារៀនសូត្រ ព្រោះពីម៉ោង ២ ដល់ម៉ោង ៦ល្ងាច
ជាពេលដែលខួរក្បាលអាចចងចាំបានល្អ រៀនសូត្រនៅអំឡុងម៉ោងនេះ យើងនឹងឆាប់ចាប់បាន ឆាប់ចេះ
ឆាប់ចាំជាមិនខាន។
៣.
យប់មុនចូលគេង
ពេលយប់មុនចូលគេង ជាពេលដែលខួរក្បាលសម្រាក ត្រូវការការលំហែ បន្ទាប់ពីបំពេញការងារ ឬរៀនសូត្រពេញមួយថ្ងៃ។ ដូចនេះការអានសៀវភៅរឿង ឬប្រលោមលោក ឬសៀវភៅកំសាន្តនានា ជាជម្រើសល្អបំផុតសម្រាប់ពេលយប់មុនចូលគេង ព្រោះវាជួយបន្ធូរអារម្មណ៍ខួរក្បាលយើងពីភាពស្មុគស្មាញ និងធ្វើឱ្យគេងលក់ស្រួល។
ប្រភព៖ The Productive Engineer, Theproductiveengineer
